Ásbrú heilsuþorp

Gríðarleg tækifæri liggja í uppbyggingu heilsu og vellíðunar á Reykjanesi. Flestir ferðamenn sem koma til Íslands fara í gegnum Keflavíkurflugvöll og Bláa Lónið á meðan dvöl þeirra stendur. Mikil tækifæri eru enn ónýtt við að bjóða þeim meiri þjónustu.

Mikil tækifæri eru fyrir höndum að selja þá heilsufarslega þætti sem einkenna íslensku þjóðina. Lífslíkur á Íslandi eru samkvæmt nýjustu tölum þær hæstu í heimi, og það sem meira er, á Íslandi lifir fólk við góða heilsu lengst af.

Aðstaða í Ásbrú og menntaframboð hjá heilsu- og uppeldisskóla Keilis skapa saman grundvöll að heilsuþorpi. Hér mun rísa alþjóðleg miðstöð heilsu og vellíðunar sem mun laða að sér sérfræðimenntað starfsfólk og verða þekkt á heimsvísu á nokkrum vel völdum sérsviðum. Íþróttahúsið á Ásbrú er í dag notað af íbúum svæðisins auk þess sem það er notað af heilsuskóla Keilis. Upplýsingar um íþróttahúsið má finna hér. Bryn Ballett hefur aðstöðu í heilsuþorpinu í glæsilegu nýuppgerðu húsnæði. Heimasíða Bryn Ballett er hér.

Nýverið var stofnað Heilsufélag Reykjaness á grunni þeirra tækifæra sem Reykjanes býr yfir á sviði heilsu og vellíðunar. Markmið félagsins eru fólgin í markaðssetningu Íslands sem lands hreysti, fegurðar og heilsu. Heilsutengd ferðaþjónusta mun leiða til aukinnar fjölbreytni atvinnulífs á Reykjanesi, skapa ný störf og auka gjaldeyristekjur.

Sjúkrahúsi á Ásbrú er í dag verið að breyta í hátækni skurðsjúkrahús sem mun selja aðgerðir til erlendra heilsuferðamanna. Þetta verkefni er í fararbroddi íslenskrar heilsuferðamennsku. Verkefnið er unnið í samstarfi við fyrirtækið Iceland Healthcare. Frekari upplýsingar um verkefnið má finna hér.

Áhugasamir aðilar um uppbygginguna eru hvattir til þess að hafa samband.