Fjöldi framhaldsskólanemenda og annarra gesta kynntu sér námsframboð Keilis á Háskóladeginum 2012, sem var haldinn laugardaginn 18. febrúar síðastliðinn. 
Kynningarbás Keilis var mjög vel sóttur en þar gátu gestir kynnt sér nám hjá Keili, fræðst um nemendaíbúðir á Ásbrú, prófað flughermi, mælt stökkkraft og prófað heimasmíðaðan Van der Graaf rafal. Rafallinn sem er smíðaður af starfsfólki og nemendum í tæknifræðinámi Keilis framleiðir 300.000 volta rafhleðslu og býr til sterkt rafsvið umhverfis stálkúlu (búin til úr tveimur IKEA salatskálum).